Кореяда өткен ХVІІ Азия ойындарында еркін күрес палуандары төрт медальді иеленді, олар еліміздің қоржынына 3 күміс медаль, 1 қола медаль салды.

ПМПИ-дің дене тәрбие және спорт факультетінің түлегі, павлодарлық палуан Мамед Ибрагимов бұл сайыста қола медальді жеңіп алды. Бірінші тартыста спортшымыз тәжік қарсыласын 10:0 есебімен ұтып, қарсыласының жеңіске деген үмітін үзді. Ал финал алдындағы күресте Мамед қырғыздық палуанды 1:3 есебімен алға жіберіп алды.

Қола медалін жеңу тартысында біздің палуанымыз үндістандық Кумар Сингхпен күресіп, жеңіске жетті.

ПМПИ-дің дене тәрбие және спорт факультетінің ұжымы өзінің түлегін және оның жаттықтырушысын жеңіспен құттықтайды. Үлкен спортта тек қана табыстар мен жеңістер тілейміз!