Тасболат Қасенұлы - республикамыз бен облысымыздың жоғары білім беру ісінің білікті ұйымдастырушыларының бірі, Павлодар педагогикалық институтын 20-дай жыл басқарған басшы, физика-математика ғылымдарының кандидаты, профессор.

           Танымал педагогты еске алуға арналған Халықаралық бокс бойынша турнир ресми ашылуына қала жұртшылығы мен зиялы қауым, ПМПИ ардагерлері, сондай-ақ жоғары оқу орнының оқытушылары мен студенттері қатысады.

          Тасболат Қасенұлының есімі павлодарлықтарға, әсіресе облыс мектептері мұғалімдеріне, оның әріптестері мен шәкірттеріне, ПМПИ түлектеріне жақсы танымал.

          Ол пединституттың басшысы болған кезінде оқу ордасы дамудың шарықтау шегіне жетті. Тасболат Қасенұлы көп жылғы адал еңбегі үшін «Құрмет белгісі» орденімен, Ы.Алтынсарин атындағы медальмен, «КСРО ағарту ісінің үздігі», «Облыс алдында сіңірген еңбегі үшін» және «Қажырлы еңбегі үшін» медальдарымен, сондай-ақ Қазақстан Республикасының Білім және ғылым министрлігінің көптеген сыйлықтарымен марапатталды. Профессор Тасболат Қасенұлы Мәскеу, Алматы және Павлодарда жарық көрген 40-тан астам ғылыми еңбектің авторы.