Моңголияның болашақ педагогтары мен музыканттары Ақбет тауына шығу үшін Баян-Өлгейден таксимен келді

Бұл туралы Ховд мемлекеттік университетінің студенті Айнұр Бақытқызы сұхбатында айтып берді.

Туған қалам Баян-Өлгейден Павлодарға дейін поездар жүрмейді, сондықтан да маған халықаралық такси қызметін пайдалануға тура келді. Көптеген адамдар туыстарына Павлодарға осындай жолмен барады. Баянауылдағы фестивальге бізді, 4 адамнан тұратын делегацияны біздің оқу орнымыз бен Павлодар мемлекеттік педагогикалық институты арасындағы келісімге сай шақырды. Менімен бірге осында болашақ математиктер мен педагогтар келді. Мамандығым – музыкант, бірақ әрқашанда Баянауылдағы Ақбет тауының шыңына шығуды армандайтынмын. Баянауылдың табиғаты өте керемет және тұрғындары қонақжай.

Биіктігі 1022 м-ге жететін тау шыңына шығу археологиялық қазбалармен, жергілікті флора мен фаунаны зерделеу және ұлттық парктің жаңа туристік бағытымен бірге фестиваль бағдарламасына енгізілген еді.

Ұйымдастырушылардың айтуы бойынша Қазақстан, Ресей және Моңғолиядан келген 120 студентті үш топқа: археологтар, биологтар және альпинистер деп бөлу кезінде соның 90 студенті Ақбет тауының шыңын бағындыруға бел буған еді. Жалпы алғанда әртүрлі физикалық дайындыққа байланысты тауға шығу мен түсу алты сағат, ал төзімділері үш сағаттан асырмады.

- QazaqGeography географиялық қоғамы ұйымдастырып отырған «Хан қорық» фестиваліне мен алғаш келуші емеспін, - деді Петропавлдан келген делегат Роман Гиричев. – өткен жылы біз экспедициямен Оңтүстік Қазақстан облысына Сайрам-Өгем ұлттық паркіне барған едік. Өте әдемі болды, осындай сұлулықтан асып түсер ғажайып болады деп ойлаған да жоқпын. Ал бүгінде Сайрам-Өгем саябағының елеулі бәселесі бар екеніне көзім жетті. Мұнда келуімнің басты мақсаты – Ақбет тауына шығу. Мен спортпен шұғылданып келемін және де тауға шығу маған қиынға соққан жоқ. Мен үшін таулар – драйв, шыдамдылық пен ерік күшімді тексеру. Көтерілістен кейін өзіңді жеңімпаз сезінесің.

Үш елден келген 200 делегат қазіргі уақытта ПМПИ және павлодарлық география Үйі және Жастар саясаты мәселесі басқармасының қолдауымен QazaqGeography ұйымдастырған «Хан қорық» фестивалінде.

Қатысушылар арасында танымал ғалым-археологтар, тарихшылар, этнографтар, 14 ЖОО-дан келген студенттер және ортағасырлардағы күрестерді тарихи жаңғырту клубының жастары. 29 шілде күні делегаттар Баянауылдан Павлодар қаласына жол жүреді, қалалықтармен бірге Ертіс думаны мерекесін тойлайды, соттардың дәстүрлі шеруін қарсы алып, Ертіс мәселесін талқылайды.